تبي تكون إنسان ناجح ؟؟ إقراني ولا تطنش ..!!

بسم الله الرحمن الرحيم

أبي أصير إنسان ناجح ، كلنا يردد في نفسه هذي العبارة ..

طيب ابعطيكم طريقة مضمونة تقدرون توصلون بها بإذن الخالق الى مبتغاكم بس لازم تطبقونها بحذافيرها :

أولا بداية الكل يقولها وأنا أقولها وماخاب من قالها وطبقها :

عليكم بتقوى الله عز وجل أولا وآخرا وخل كل عمل تبي تسويه لله ..

ثانيا : حدد هدفك اللي تبي تسويه ..

تبي تصير طبيب ، طيب طبيب ايش ؟؟

طبيب عام ..

طبيب أسنان ..

أنا صراحة عن نفسي أبي أصير White Hat Hacker ..

عشان اصير White Hat Hacker لازم أنعلم طرق الاختراق التقليدية وأتعلم لغات البرمجة وأدرس خواص وعيوب وأسرار الأنظمة والمتصفحات وما إلى ذلك ..

طيب كيف أتعلمهم ؟؟

بعطيك معلومة ولا تظن اني أحطمك مثلا والكل تقريبا يعرفها ..

لا تظن أن بيل جيتس صنع نظام الويندوز في يوم وليلة ، كشوار العلم طويل ويبي له صبر والطريقة اللي ابي أقولها مابتتعبك كثير لأنها سهلة ومع الوقت بتلقى أنه صار لك خبرة قوية في المجال اللي تبيه ..

أول خطوة ..

جب أي جوال حتى لو أبو كشاف حق النوكيا ولكن عن نفسي أفضل جهاز يمتلك نظام مثل اللي في الصورة التالية اللي هو جووجل أندرويد ..

ثاني خطوة ..

تفتح التقويم ..

ثالث خطوة ..

أنت عندك 24 ساعة في اليوم المطلوب تقسم 24 ساعة في التقويم وتطبقه مظبوط ..

بيقول لي واحد عطنا مثال ، أقول له من عيوني ..

إفرض اني طالب ثانوية عامة – والكلام موجه للجميع موب بس للثانوية العامة – يبدأ يومي من بعد صلاة الفجر نقول من الساعة 5 إلى الساعة 1 الظهر ..

هذي كلها بتكون في المدرسة ..

من 1 إلى 2 الظهر ..

هذي لين أرجع البيت وأغير هدومي وأشوف وضعي ..

من 2 إلى صلاة العصر ..

ابتغدى فيها وانسدح لين يجي وقت الاذان ..

من بعد صلاة العصر ..

تسردح وتمردح مثل ماتبي العب كورة والا شف شغلك والا تدج في الحارة والا تشوف فلم والا والا ..

من بعد صلاة المغرب ..

هذا وقت المذاكرة خلص فيها كل واجباتك ..

نجي لوقت مابعد صلاة العشاء الساعة 8 لين الساعة 9 مثلا ..

هذا افتح فيه الماسنجر وشف آخر الأخبار في المواقع التقنية والمدونات التقنية ( ولا تنسون مدونتي ^__^ ) ..

من 9 إلى وقت العشاء ..

ابدأ تعلم في لغات البرمجة والدورات في النت كثيرة الله يثيب القائمين عليها ..

من بعد العشاء ..

افتح المنتديات والا اي موقع فيه دروس للإختراق والانظمة والشبكات وغيرها واقرأ وحاول تطبق اللي قرأته ..

ولا تجهد نفسك كثير حاول كل نص ساعة مثلا تطلق رجلينك يمين يسار وتطالع في شيء أبعد من الكمبيوتر ..

ولا تستعجل أبدا على العلم ، وحتى لو تقرأ موضوع واحد في الشبكات مثلا ثم موضوع في أسرار الأنظمة ثم موضوع في الإختراق تراه موب قليلة قل ليش ..؟؟

لأنك لو تقرأ موضوع واحد يوميا في تخصص معين بتكون قريت 365 موضوع في السنة طيب فما بالك بأكثر من سنة ..

وثاني شيء لا تقول أنا ما أقدر لأن العبارة هذي موب الإنسان اللي يقولها ولكن اللي يقولها الشيطان عشان يخلي الانسان متكيسل وماينجح في مشواره للعلم ..

ولا تقول انا كبير وما يمديني ..

ولا تستكبر على العلم أبدا ختى لو جاك ورع وأفهم منك في شيء معين تعلم منه واعتبره استاذك لأن العلم لا يقبله انسان مستكبر ..

نرجع للخطوات :

الخطوة الرابعة ..

حدد الاوقات اللي كتبتها مثلا على التقويم واضبط التقويم على انه يذكرك باللي في الجدول وياليت لو تخليه يذكرك مرتين على مواعيدك في الجدول يعني لو جاء وقت الغداء يرن مرة ثم بعد خمس دقايق يرن مرة ثانية بالغداء عشان لا تنسى وتنتبه لوقتك ..

وانتهينا ..

وبتلقى نفسك بعد مدة خبير بمعنى الكلمة في المجال اللي تبيه وذيك الساعة تذكرني وادعي لي ولوالدي وللمسلمين ..

وصلى الله على سيدنا محمد وآله وصحبه أجمعين ..